कभू रोवाही ता कभू हंसाही ‘संजू की दुल्हनिया’, पहिलीच फिलिम मा मोहि डारिस लक्षित अउ गुंजन

छत्तीसगढ़ी फिल्म इंडस्ट्री यानी छालीवुड ला एक अउ हीरो अउ हीरोइन मिलगे। छालीवुड के नामी कलाकार रजनीश झांझी के बेटा लक्षित झांझी अउ गुंजन अग्रवाल छत्तीसगढ़ी सिनेमा मा अपन पांव मढ़ाए हे। ये दोनों नोनी-बाबू मन संजू की दुल्हनिया नाव के एक फिलिम  ले छालीवुड मा एंट्री करे हे। आसा हे अवइया फिलिम मन मा बने-बने अभिनय करके छत्तीसगढ़ी सिनेमा ला नवा मुकाम तक लेगही।

Read more : बारिश के बाद खूबसूरती से गुलजार हुए पर्यटन स्थल, जलप्रपातों पर उमड़ी सैलानियों की भीड़  

कइसन हे फिलिम के कहानी?

कहानी के बात करन ता ये फिलिम साफ-सुथरा पारिवारिक फिलिम हे। मारधार अउ खून-खराबा ले दूरिहा ये फिलिम भगवान हनुमान जी के भजन के संग सुरू होथे। फिलिम मा नायक संजू अउ नायिका राधिका एक दूसर ले मया करथे। सबो कुछ बने बने चलत रथे, दोनों परिवार कोती ले हरियर झंडा मिले के बाद शादी के बातचीत घलव हो जाथे। अइसने मा संजू के कका के आना कहानी ला नवा मोड़ देथे अउ शादी कैंसिल हो जाथे। दूसर कोती संजू के बहिनी ला उंकर मया मिल जाथे, दोनों के सात जन्म के बंधना जुड़ जाथे। फेर संजू बर अपन मया ला पाना ओतका आसान नइ रहय.. आगु कहानी बर आप ला फिलिम ला खच्चित देखना चाही।

 ⁠

Read more : आपदाओं से बेहाल लोगों की मदद के लिए आगे आए बिल गेट्स, दान की इतनी रकम…..सुनकर नहीं होगा यकीन 

पारिवार संग बइठ के देखे जा सकत हे

कुछ दिन मा रिलीज होय फिलिम बात करन ता बाकी मन के तुलना मा ये फिलिम बने हे। कहि सकत हन कि भूलन द मेज के बाद आय फिलिम मन के तुलना मा ये फिलिम बने हे। पारिवार के संग बइठ ये फिलिम ला देखे जा सकत हे। गाना मा घलव बढ़िया हे। युवा मन के अनुरूप गाना घलव शामिल करे के कोसिस करे गेहे। क्लाइमेक्स कोती घलव ये फिलिम मा बने काम होय हे। कुलमिलाके मंय इही कहना चाहत हंव कि फिलिम बने पारिवारिक हे।

Reaed more : गांव ल अलहन ले बचाय़ के परब आय ‘सवनाही बरोई’, बइगा करथे चारो मुड़ा के बंधना, चघाथे कोड़हा के रोटी

नवा कलाकार मन मौका

ये फिलिम के खास बात यहू हे कि येमा नवा कलाकार मन ला मउका दे गेहे। छालीवुड बर ये बहुत जरूरी हे कि अवइया बेरा बर नवा पेड़ तैयार होय, निर्देशक महोदय येमा एक कन जासती धियान देहे। ये फिलिम बहुत झन अइसन कलाकार हे जेन पहिली पइत बड़का पर्दा मा दिखत हे। पहिली बेर के हिसाब ले सबो के कलाकारी सहंराय के लइक हे।

Read more : स्वामी आत्मानंद स्कूलों में निकली बंपर भर्ती, इन पदों के लिए मंगाए गए हैं आवेदन, देखें पूरी डिटेल 

जुन्ना कलाकार मन के जोरदरहा प्रदर्शन

पहिली कस यहू फिलिम मा जुन्ना कलााकार मन अपन कला के जोरदरहा प्रदर्शन करे हे। रजनीश झांझी अउ उपासना वैष्णव पहिली कस यहू फिलिम मा अपन कला के लोहा मनवाय हे। ये दुनों कलाकार मन ये फिलिम मा जान डार देहे। संगे संग नायिका के पापा विनोद घलव बढ़िया एक्टिंग करे हे।

सुधार के कोसिस करना रिहिस

संजू की दुल्हनिया मा एक दू कलाकार मन छोड़ के छत्तीसगढ़ी फिलिम मा पहिली बेर देखे हंव। ये फिलिम मा शामिल नवा कलाकार मन ला अभी अउ मेहनत के करे के जरूरत हे। पूरा फिलिम मा मोला अइसे लागत रिहिस कि आवाज डबिंग सही नइ होय हे। कभू-कभू अइसे लागथे जइसे कॉपी देख के कोनो वाइस ओवर करत हे।